“Big Bang” хамтлагийн гишүүн, дуучин Daesung соло аялан тоглолтоо Сөүлээс эхлүүллээ. Тэрбээр дөрөвдүгээр сарын 26, 27-нд Сөүлийн олимпын парк дахь “Olympic Hall-д “Daesung 2025 Asia tour: D’s wave in Seoul” тоглолтоо эхлүүлсэн байна.
Тэрбээр тоглолтоо өөрийн саяхан гаргасан мини цомгийн “Universe” дуугаар нээсэн бол “Last girl”, “Jump” зэрэг шинэ дуунуудаа дуулсан байна. Дөрөвдүгээр сарын 26-ны тоглолтод “Big Bang” хамтлагийн гишүүн Тaeyang найзынхаа соло тоглолтод нэгдсэн бол 27-ны тоглолтод Taeyang болон G-Dragon нар хамтдаа оролцож, “Big Bang”-ийн “Home sweet home”, “Bang bang bang”, “Sober” зэрэг дуугаа дуулжээ.
