Найруулагч Б.Баатарын бүтээл “Гажуудал” уран сайхны кино Нью-Йорк дахь Азийн кино наадам (The New York Asian Film Festival)-ын үзвэрийн хэсэгт шалгарлаа.
АНУ-ын Нью-Йорк хотод зохион байгуулагдах уг кино наадам нь 2025 оны долоодугаар сарын 11-нд нээлтээ хийсэн бөгөөд энэ сарын 27-ныг дуустал үргэлжилнэ. Тус кино наадам нь Азийн шилдэг уран бүтээлүүдийг олон улсын үзэгчдэд толилуулдгаараа дэлхийд нэр хүндтэй.
“Гажуудал” уран сайхны кино нь энэхүү наадмын хүрээнд долоодугаар сарын 22-ны өдөр АНУ-д албан ёсоор нээлтээ хийж үзэгчдийн хүртээл болно.
