Өмнөд Солонгосын алдарт “Blackpink” хамтлаг дэлхийг тойрох “Deadline” аялан тоглолтоо БНСУ-аас эхлэн цааш үргэлжлүүлж буй.
Тэгвэл эл аялан тоглолт түүхэн амжилтуудыг тогтоож байна. Тодруулбал, “SoFi” цэнгэлдэх хүрээлэнд болсон энэхүү тоглолтын тасалбар хоёр өдөр дараалан бүрэн борлуулагджээ. Долдугаар сарын 12, 13-ны өдрүүдэд болсон тоглолтыг нийт 100.000 гаруй хүн үзэж сонирхсон нь “SoFi” цэнгэлдэх хүрээлэнд өмнө нь болж байгаагүй хамгийн олон үзэгчийг цуглуулсан үйл явдал болсон аж.
Энэ түүхэн амжилтаараа“Blackpink” хамтлаг нь Taylor Swift, Beyoncé нарын дуучдын хамт Лос Анжелес хотноо дараалан хоёр тоглолт хийж, цэнгэлдэх хүрээлэнг бүтэн дүүргэсэн уран бүтээлчдийн эгнээнд нэгдээд байна.
