“Тавилан”, “Удирдагч”, “Уулын хөх сүүдэр”, “Боолын гэрээ”, “Цасан охин”, “Бодлын хулгайч”, “Аравт”, “Үргээлэг”, “Үргээлэг-2”, “Итгэл”, “Mongolian connection”, “Under the turquoise sky”, “Хохирогч”, “Эргэж ирэхгүй намар”, “Монгол”, “Орлон тоглогч” гээд түүний тоглосон, найруулсан уран бүтээлүүд бүгд л үзэгч, шүүмжлэгчдээс өндөр үнэлгээ авдаг.
Тэрбээр сүүлийн гурван жилийн хугацаанд гэхэд л “Хохирогч” олон ангит киногоороо үзэгчдийг дэлгэцийн өмнө “уясан” бол “Эргэж ирэхгүй намар”-аараа “Оскар”-ын наадамд эх орноо төлөөлөн оролцсон. Мөн “Монгол” уран сайхны киногоо үзэгчдэд хүргэж, өнгөрсөн жил “Орлон тоглогч” олон ангит киног олны хүртээл болгосон.
Тэгвэл тэрбээр шинэ уран бүтээлийнхээ товийг фэйсбүүк хуудсаараа дамжуулан мэдэгджээ. Түүний үзэгчдэд хүргэхээр төлөвлөн ажиллаж буй шинэ уран бүтээл нь “Шалз” гэх нэртэй бөгөөд тус уран сайхны киног ирэх аравдугаар сарын 10-наас бүх кинотеатруудаар үзэгчдийн хүртээл болгох аж.
