Оросын баруун хойд хэсгийн Вологда хотод “Догшин Иван” хэмээх тодотголтой IV Иван хааны есөн метр өндөр хөшөөг босгожээ. Энэхүү хөшөө нь Вологдагийн Кремль орчимд байрлаж байгаа бөгөөд Оросын Үндэсний эв нэгдлийн өдрийг тохиолдуулан албан ёсоор олон түмэнд үзүүлсэн байна. Догшин Иваны хөшөөг уран барималч Михаил Красильников бүтээжээ.
Сонирхуулахад, Догшин хэмээх Иван 1547 онд бүх Оросын их хаанаар өргөмжлөгджээ. Тэрбээр эцгийнхээ талаас Москвагийн ван Рюриковичийнхны удмынх бол эхийн талаас Чингис хааны ач, Алтан ордыг байгуулсан Батын удмын хүн байсан гэдэг. Догшин Иваны удирдлага дор Оросын хаант улс хөрш зэргэлдээ гүрнүүдтэй амжилттай дайтан эзэмшлээ хоёр дахин тэлж газар нутгийн хувьд баруун Европоос анх удаа илүү том болсон байдаг. Хэрцгий зан авираараа алдартай Догшин Иван 1582 оны арваннэгдүгээр сарын 16-нд том хүү Иваныг хороосноор Орост Рюриковичийн удмынхны нэр нөлөө багасан улмаар Их Петрээс эхлэн Романовынхан тус улсын хаан ширээг эзэрхэх болсон түүхтэй.
