325 сая гаруй үзэлттэй “KPop Demon Hunters” бүтээл “Netflix”-ийн дижитал контентуудын дундаас хамгийн өндөр үзэлттэйд тооцогдож, К-поп урлагийн дэлхийн нөлөөг дахин бататгалаа.
Бүтээл гарснаар зөвхөн хөгжмийн урсгал бус, түүнтэй холбоотой гоо сайхан, хоол хүнс, хэрэглээний бүтээгдэхүүний эрэлт дэлхий даяар өсч, к-попын эдийн засгийн нөлөө улам өргөжив.
“Netflix” уг бүтээлийн худалдааны хамтын ажиллагааг өргөжүүлж, “Hasbro”, “Mattel” зэрэг дэлхийд танигдсан компаниудтай хамтран к-поп сэдэвт тоглоом, хувцас, хэрэглээний барааг гаргаснаар борлуулалтаа олон улсад эрс нэмэгдүүлжээ.
Үүнээс гадна Өмнөд Солонгосын “Everland” цэцэрлэгт хүрээлэнд кинонд суурилсан тусгай бүс байгуулж, жуулчдыг татах шинэ соёлын төв болгосон байна.
