Домогт “The Beatles” хамтлагийн тухай бүрэн хэмжээний кино 2028 оны дөрөвдүгээр сард дэлгэцнээ гарахаар товлогдоод буй. Киноны найруулагчаар Сэм Мендес ажиллаж байгаа бөгөөд уг төсөл нийт дөрвөн ангиас бүрдэх юм.
Анги бүр хамтлагийн гишүүдийн амьдрал, урлагийн замналыг тус тусын өнцгөөс харуулах бол дөрөвдүгээр бүлэг нь Жон Ленноны түүхийг өгүүлэх аж. Түүний дурлалт бүсгүй болох Ёко Оногийн дүрд жүжигчин Анна Савай тоглож магадгүй гэх мэдээлэл цахим орчинд цацагдаад байна.
“Shōgun” цувралд бүтээсэн дүрээрээ “Эмми”-гийн шагнал хүртсэн анхны Ази эмэгтэй жүжигчнээр тодроод буй Анна Савай 11 настайдаа “Annie” мюзиклд гол дүр бүтээж, урлагийн замналаа эхлүүлж, 2009 онд Холливуудын “Ninja Assassin” кинонд тогложээ. Түүнчлэн үзэгчид түүнийг 2021 онд найруулагч Жастин Лины найруулсан “Fast & Furious 9” кинонд тоглосноор нь андахгүй. Түүнээс хойш тэрбээр 2022 онд “Apple TV+”-ийн “Pachinko” цуврал, 2024 онд “Godzilla” киноны спин-офф болох шинжлэх ухааны уран зөгнөлт “Monarch: Legacy of the Monsters” цуврал, мөн 2024 онд гарсан “Shōgun” түүхэн драмд тоглоод буй.
