Кино урлагийн домог, XX зууны сайхан залуучуудын нэг, 1960-аад оны үед Европ тивийн хамгийн үнэ цэнэтэй жүжигчин, секс бэлгэ тэмдэг хэмээн нэрлэгдэж байсан Ален Делон өнгөрсөн жилийн наймдугаар сард таалал төгссөн юм.
Францын жүжигчин Ален Фабиан Морис Марсель Делон 1935 оны арваннэгдүгээр сарын 8-нд төржээ. Түүнийг нэр алдарт хүргэсэн уран бүтээлүүдээс дурьдвал, “Rocco” and “His Brothers” (1960), “Purple Noon” (1960), “L’Eclisse” (1962), “The Leopard” (1963), “Lost Command” (1966) and “Le Samouraï” (1967) зэрэг кинонуудыг нэрлэж болох юм. Ален Делон чадварлаг жүжигчнээс гадна шаггүй бизнесмен эр гэдгийг дэлхий даяар хүлээн зөвшөөрдөг байв. Түүний нэрийн сүрчиг, бугуйн цаг, хувцас, нүдний шил, бичгийн хэрэгсэл, тамхи зэрэг бүхий л төрлийн бараа бүтээгдэхүүн худалдаалагддаг байжээ.
Амьдралынхаа турш нийт 90 гаруй уран бүтээлд оролцсон тэрээр 2017 онд жүжигчний мэргэжлээс зодог тайлсан бөгөөд 2019 онд цус харваснаасаа хойш олон нийтийн өмнө бараг гараагүй юм.
Тэрбээр амьд байсан бол өнөөдөр 89 нас хүрэх байлаа.
