Зах зээлд гарсан цагаасаа тэсрэлт хийж байсан бидний сайн мэдэх “Лабубу” хүүхэлдэйг уран сайхны кино болгох төслийг “Sony Pictures” албан ёсоор эхлүүлжээ.
Гэсэн хэдий ч одоогоор киног амьд жүжигчидтэй байх уу, эсвэл бүрэн хэмжээний анимейшн хэлбэрээр бүтээх үү гэдгээ хараахан шийдээгүй байна.
Төсөл одоогоор анхан шатандаа явж буй тул дэлгэрэнгүй мэдээллийг тун удахгүй хүргэнэ гэж “Sony Pictures”-ийн зүгээс мэдэгдлээ.
“Лабубу” хүүхэлдэйг бүтээсэн “Pop Mart” компанийн орлого гуравдугаар улиралд тус бүтээгдэхүүний ачаар өмнөх оны мөн үеэс 250 хувиар өсөлт үзүүлсэн.
Нордикийн үлгэрээс сэдэвлэсэн өвөрмөц дүр төрхтэй энэ хүүхэлдэйг алдарт “Blackpink” хамтлагийн гишүүн Лиза, дуучин Рианна болон жүжигчин Эмма Робертс зэрэг алдартан чимэглэл болгон хэрэглэснээр брэндийн нэр хүнд огцом өссөн юм.
