Яруу найрагч, зохиолч О.Элбэгтөгсийн үүсгэн байгуулж буй “Гурван сүүдрийн театр”-ын уран бүтээлчид нээлтийн “Хөх тойрог” жүжгээ Төмөр замын чуулга “Ган зам” паласт энэ сарын 28, 29-нд 19:00 цагаас толилуулахаар товложээ.
О.Элбэгтөгс зохиолч энэхүү театрынхаа талаар “Манай театр нь орчин үеийн соёл, сэтгэлгээ, амьдралын хэв маягт суурилсан үзэл санаа бүхнийг дэмжин ажиллахын хажуугаар Монголын театрын урлагийн түүхийг эргэн харж, мартагдсан, олон нийтэд түгэн дэлгэрээгүй зохиол бүтээлүүдийг сэргээн тоглох, олж нээх, мөн жүжгийн зохиолын эрэлд бидэн яваа, бүтээхүйн их хүслэнд автан суугаа авьяаслаг зохиолчдыг дэмжин тэтгэх, зохиол бүтээлийг нь тайзнаа амилах боломж олгох, урьд өмнө нь Монгол хэлнээ орчуулагдан, олон нийтийн хүртээл болж байгаагүй, шинэлэг, өвөрмөц драмын бүтээлүүдийг орчуулан түгээж, тайзнаа жүжиг болгон тавих ажлуудыг урын сангийнхаа бодлогод тусгаад байна” гэдгээ онцолсон байна.
Нээлтийн уран бүтээлээр Балжирын Сүнжидмаагийн зохиол “Хөх тойрог” жүжгийг сонгосон бөгөөд найруулагчаар нь И.Оюун-Эрдэнэ найруулагч ажилласан байна. Жүжгийн тасалбарыг энд-ээс аваарай.
