“Disney” компани “Frozen” анимейшний Олаф дүрийг бодит хөдөлгөөнтэй, хиймэл оюунд суурилсан робот хэлбэрээр бүтээж, Парис болон Хонконгийн соёл, амралтын хүрээлэнд танилцууллаа.
Энэхүү робот нь ам, нүд, хамар, гараа хөдөлгөж, хүүхэд болон зочидтой бие даан харилцах чадвартай гэдгээрээ олон нийтийн анхаарлыг татаж байна.
Зочид Олаф роботын хамар, гар зэрэг эд ангийг салгаж үзэх боломжтой бөгөөд энэ нь хүүхдүүдийн сонирхлыг өдөөх маркетингийн шинэлэг элемент болж буй юм.
@disneyparksFrom screen to reality, the next-generation robotic character representing Olaf marks a new chapter in Disney character innovation ☃️♬ original sound – Disney Parks
“World of Frozen” хэсэгт түр хугацаанд ашиглах Олаф робот нь өндөр нарийвчлалтай механик, аниматроник системийн тусламжтай дүрийн сэтгэл хөдлөлийг бодит мэт илэрхийлэх чадвартай аж.
Ингэснээр “Disney” хүүхдийн танил дүрүүдийг бодит орчинд турших, хэрэглэгчийн оролцоонд тулгуурласан шинэ төрлийн шийдэл хөгжүүлэх чиглэлд нэг шат ахиж буйг харуулжээ.
