Сабрина Карпентер жүжигчний карьертаа дахин анхаарал хандуулж эхэллээ. Тодруулбал, тэрбээр шинэ кино төсөлд ажиллахаар болжээ. Энэхүү төсөл нь Льюис Кэрроллын олон өнгө, адал явдлаар дүүрэн “Алиса гайхамшгийн оронд” хэмээх романаас сэдэвлэсэн бөгөөд уг бүтээл нь нийтийн хүртээлд орсон зохиол юм. Лорин Скафария киноны зохиолыг бичиж, найруулахаар болсон байна.
Сабрина Карпентер гол дүрд тоглохоос гадна продюсероор ажиллах бөгөөд Марк Платтын “Marc Platt Productions” студийн хамт уг төсөлд ажиллах аж.
Тэрбээр өмнө нь “Noobz”, “Horns”, “The Hate U Give”, “The Short History of the Long Road”, “Tall Girl”, “Work It”, “Clouds”, “Emergency”, “Tall Girl 2” зэрэн дэлгэцийн уран бүтээлүүдэд тоглож байв.
