“Нийслэл Хүүхэн”, “+17” , “Шар гэгээ”, “Мөрч” зэрэг нэг болон олон ангит киногоороо бүх цаг үеийн үзэлтийн рекордыг шинэчилж байсан “Оранж энтертэйнмент” 10 жилийн ойгоо 2026 онд тэмдэглэнэ.
Өнгөрсөн 10 жилийн хугацаанд тус хамт олон тайз, дэлгэцийн 50 гаруй уран бүтээлийг үзэгчдийн хүртээл болгож, Монголын кино урлагт өөрийн өнгө төрх, байр суурийг бататгажээ. Тэгвэл 10 жилийн ойн хүрээнд хэрэгжих томоохон төслүүдийн эхлэл адал явдалт, инээдмийн төрөлт “Ирээдүйгээс ирсэн зочид” уран сайхны киногоо үзэгчдийн хүртээл болгож эхлээд байна.
Тус кино нь “Оранж энтертайнмент”, ДДЭШ ТВ, “Фильм Овл” продакшны хамтын бүтээл бөгөөд найруулагчаар “Мөрч”, “Молоко” зэрэг хит киногоор үзэгчдэд танил болсон залуу найруулагч Б.Төгөлдөр ажиллажээ.
