Монгол Улсад суугаа БНХАУ-ын Элчин сайдын яамнаас Монголын үндэсний кино урлагийн зөвлөлтэй хамтран Хятадын найруулагч Ао Шен-ий “Нанжиний гэрэл зургийн газар” /“Dead to Rights”/ түүхэн уран сайхны киноны тусгай үзвэрийг өнөөдөр /2026.01.16/ “Өргөө IMAX” кинотеатрт зохион байгууллаа.
2025 оны долдугаар сарын 25-нд нээлтээ хийсэн тус киног 1937 оны сүүлч, 1938 оны эхээр Нанжин хотод Япончуудын үйлдсэн “Нанжиний хядлага” хэмээн нэрлэгддэг 300 орчим мянган хүний амь намыг хохироосон бодит түүхэн үйл явдлаас сэдэвлэн бүтээж, 1945 оны Чөлөөлөх дайн ялалтын 80 жилийн ойн хүрээнд үеийн японы цэргийнхний үйлдсэн хүн төрөлхтний эсрэг гэмт хэргийг дахин сануулжээ.
Орчин үеийн Хятадын нэрд гарч буй найруулагч Ао Шен /Ao Shen/-ий уг бүтээл эх орондоо нээлт хийсэн цагаасаа үзэгчдийг татаж, ашиг орлогоороо тэргүүлсэн бөгөөд 2025 онд нийт 3 тэрбум орчим юанийн орлого олсон байна.
