Тулаант кинонуудын эсрэг дүрүүдээрээ алдаршсан Хонконгийн жүжигчин Брюс Люн 77 насандаа таалал төгсжээ.
1948 оны дөрөвдүгээр сарын 28-нд төрсөн Брюс Люн уламжлалт зодооны урлагаар хичээллэдэг байв. 1970-аад онд Брюс Ли, Жеки Чан нартай зэрэгцэн тулаант киногоор алдаршиж, карьерынхаа эхлэлийг тавьжээ.
Тэрбээр 1970-аад оноос хойш 2020 оныг хүртэл 60 гаруй тулаант уран сайхны киноны гол болон туслах дүрд тогложээ.
Брюс Люн тав хоногийн өмнө буюу нэгдүгээр сарын 14-нд таалал төгссөн бөгөөд түүнийг нэгдүгээр сарын 26-нд эцсийн замд нь үдэхээр товлосон байна.
