Гавьяат жүжигчин Д.Цэрэндарьзав Монгол Улсын Ардын жүжигчин цол, тэмдгээр шагнуулахаар болжээ.
Монгол Улсын Гавьяат жүжигчин,, ОХУ-ын Буриад Улсын Гавьяат жүжигчин Дашнямын Цэрэндарьзав нь 1945 онд Хөвсгөл аймгийн Арбулаг суманд төржээ. Тэрбээр 1967 онд Улсын багшийн дээд сургуулийн кино драмын ангийг жүжигчин мэргэжлээр төгсөж, ажлын гараагаа Улсын драмын театрт жүжигчнээр эхэлж, гавьяаныхаа амралтанд гартлаа тус театраараа овогложээ.
Д.Цэрэндарьзавыг үзэгчид театрын тайзнаа бүтээсэн дүрүүдээс нь гадна “Хүргэн хүү”, “Тэмцэл”, “Эхлэл”, “Хань” “Хүний төлөө”, “Хүний амь”, “Үүр цайхын өмнө”, “Мандах нарны туяа”, “Сүүн цагаан өргөө”, “Буяны нүгэл”, “Гал хам”, “Их хааны удам”, “Хадаг”, “Солиот эх”, “Ер бусын ертөнц” зэрэг дэлгэцийн уран бүтээлүүдэд бүтээсэн дүрүүдээр нь андахгүй юм.
