Арван удаагийн “Грэмми”-гийн шагналт, дуучин Билли Айлишийн “Hit Me Hard and Soft: The Tour” тоглолтыг “Оскар”-ын гурван удаагийн шагналт, нэрт найруулагч Жэймс Камерон 3D бүрэн хэмжээний өргөн дэлгэцийн бүтээл болголоо.
“Billie Eilish – Hit Me Hard and Soft: The Tour (Live in 3D)” нэртэй тус киног өчигдөр /2026.04.29/ Английн Лондон хотод шүүмжлэгч, найруулагч, судлаач, сэтгүүлч зэрэг тусгай зочдод урьдчилан үзүүлсэн бол тавдугаар сарын 8-нд дэлхий даяар нээлтээ хийх аж.
Тус киног Билли Айлиш, Жэймс Камерон нар хамтран найруулж, өөрсдөө продюсероор нь ажиллажээ.
