2016 онд дэлгэцнээ гарч байсан Өмнөд Солонгосын “Goblin” цувралын гол дүрийн жүжигчид киноныхоо арван жилийн ойд зориулан эргэн нэгдсэн байна. Тодруулбал, TvN телевиз “Хамтдаа гялалзъя – Goblin 10 жилийн ойн аялал” гэх нэртэй шинэхэн нэвтрүүлгийнхээ тизерийг цацжээ. Тус нэвтрүүлэг долдугаар сарын 4-ны 21:10-аас цацагдах юм байна. Энэхүү тусгай нэвтрүүлэг нь дэлхий даяар үзэгчдийг байлдан дагуулсан “Goblin” цувралын 10 жил болон tvN телевизийн 20 жилийн ойг тохиолдуулан гарч буй гэдгээрээ онцлогтой.
“Goblin” цуврал нь 2016 онд цацагдсан дариудаа 20 хувиас дээш үзэлтийг авч чадсан хамгийн анхны Өмнөд Солонгосын цуврал болж байсан юм.
“Хамтдаа гялалзъя – Goblin 10 жилийн ойн аялал” нэвтрүүлгийн багийнхан “Гол дүрийн дөрвөн жүжигчдийн жинхэнэ сэтгэл хөдлөл, хөгжилдөөн, ойр дотно байдал зэргийг гаргах тул нэвтрүүлэг гарах өдрийг хүртэл тэвчээртэйгээр хүлээж байгаарай” гэжээ.
