Монгол Улсын Төрийн шагналт, Хөдөлмөрийн баатар, Ардын жүжигчин, Зууны манлай сайхан эмэгтэй Лувсанжамцын Цогзолмаагийн мэндэлсний 102 насны ой өнөөдөр /2026.06.15/ тохиож байна.
Нэгэн зууныг туулж буй Монголын XX зууны манлай сайхан эмэгтэй, хөгжимчин, дуучин, жүжигчин Л.Цогзолмаа гуай 1924 оны зургаадугаар сарын 15-нд Төв аймгийн Угтаалцайдам суманд төржээ.
Тэртээ 1938 онд буюу 14 насандаа Залуучуудын соёлын төв театрын өндөр их босгыг зориглон алхсан Л.Цогзолмаа хожмоо эх орноо гадаадад төлөөлж, Энэтхэгийн Жавахарлал Неру, Индра Ганди, БНХАУ-ын Мао Зэдун Вьетнамын Хо ши Мин гээд дэлхийн түүхт хүмүүстэй гар барин мэндчилсэн, урлагийн түүчээ, их хүмүүн болжээ.
Түүнд 1945 онд БНМАУ-ын гавьяат жүжигчин, 1951 онд БНМАУ-ын Маршал Чойбалсангийн нэрэмжит шагнал, 2001 онд Монгол Улсын Ардын жүжигчин, 2007 онд Монгол Улсын Хөдөлмөрийн баатар цол олгосон юм.
