BTS хамтлагийн студийн тав дахь цомог болох “Arirang” АНУ-ын хөгжмийн хамгийн нэр хүндтэй жагсаалтуудын нэг болох “Billboard 200” чартад дахин шилдэг 10-т багтжээ.
“Billboard”-ийн ням гараг /2026:06:21/-т нийтэлсэн урьдчилсан мэдээллээр тус цомог өнгөрсөн долоо хоногтой харьцуулахад нэг байр ахиж 10 дугаар байрт жагссан байна. Сүүлийн долоо хоногт “Arirang” цомог борлуулалт болон стримингийн үзүүлэлтээ нэгтгэн тооцоход 34 мянган цомогтой тэнцэх хэмжээний амжилт үзүүлжээ.
Өнгөрсөн гуравдугаар сард худалдаанд гарсан “Arirang” цомог нь “Billboard 200” чартад дараалан гурван долоо хоногийн турш тэргүүлсэн анхны к-поп уран бүтээлчийн цомог болж түүхэнд бичигдсэн. Түүнчлэн тус цомог одоогоор чартад 13 дахь долоо хоногтоо тасралтгүй багтаж байна.
