“Дисней” студийн хамгийн хайртай хүүхэлдэйн кинонуудын нэг болох “Tangled” (2010) киноны live-action буюу уран сайхны хувилбарын зураг авалт Испанид албан ёсоор эхэлжээ.
Зураг авалтын эхний өдрүүдээс авсан гэрэл зургууд цахим орчинд тархаж, Рапунцелийн амьдардаг алдарт өндөр цамхгийг бодит хэмжээгээр барьж буй нь фэнүүдийн анхаарлыг татаж байна. “Дисней” энэ удаад зөвхөн компьютер график ашиглах бус, бодит зураг авалтын талбайг өргөнөөр ашиглаж байгаа нь киноны үлгэрийн ертөнцийг илүү амилуулах зорилготой аж.
Испанийн Аликанте хот дахь “Ciudad de la Luz” кино студийг гол зураг авалтын баазаар сонгосон бөгөөд Испанийн эртний шилтгээн, түүхэн хотууд, байгалийн үзэсгэлэнт тогтоц нь Рапунцелийн хаант улсын уур амьсгалыг бодитоор бүтээхэд хамгийн тохиромжтой гэж үзжээ.
“Дисней” студи киноны гол дүрүүдийг мөн танилцуулаад байна. Рапунзельд Теаган Крофт, Флиннд Мило Манхейм, хойт эх Готелийн дүрд Катрин Хан нар тоглож байгаа аж. Харин найруулагчаар “The Greatest Showman” киног бүтээсэн Майкл Грэси ажиллаж байгаа бол зохиолыг Женнифер Кэйтин Робинсон бичжээ.
