Өмнөд Солонгосын продюсер PSY-ийн дэлхий даяар алдаршсан “Gangnam Style” дуу YouTube платформд шинэ түүхэн амжилт тогтоож, албан ёсоор зургаан тэрбум үзэлтийн босгыг давлаа.
“Gangnam Style” дууны клипийг анх 2012 оны долдугаар сарын 15-нд YouTube-д байршуулсан байдаг. Харин 2026 оны долдугаар сарын 17-нд уг бүтээл 6 тэрбум үзэлтэд хүрчээ.
Энэ амжилт нь клип 2023 оны арванхоёрдугаар сард 5 тэрбум үзэлт давснаас хойш ердөө хоёр жил долоон сарын дараа тохиож байна. Олон жилийн өмнө гарсан ч “Gangnam Style” одоо хүртэл дэлхийн үзэгчдийн сонирхлыг татсаар байгаа нь үүгээр дахин батлагдлаа.
PSY энэхүү зургаан тэрбум үзэлтийн амжилтаа “Summer Swag 2026” аялан тоглолтынхоо үеэр фэнүүдтэйгээ хамт тэмдэглэсэн байна. Долдугаар сарын 18-нд Гвачён хотод болсон тоглолтын үеэр тэрбээр “Gangnam Style” клипний анхны дүр төрхийг санагдуулам цайвар цэнхэр хүрэм, хар эрвээхэй зангиатай тайзнаа гарчээ. Тэрбээр олон мянган үзэгчийн өмнө “Би энэ тоглолтыг зургаан тэрбум үзэлтэд зориулсан тусгай талархлын бичлэг болгон YouTube-д байршуулна” хэмээн хэлж, түүхэн мөчийг хамтдаа тэмдэглэжээ.
