Зүүн Азийн бүс нутгийн аялал жуулчлалын холбооны “Олон улсын урлагийн отог” үзэсгэлэнд уран бүтээлч А.Чадраабал, Т.Тодбаяр нар оролцож байна. Уран бүтээлч А.Чадраабал Монгол Улсын Ерөнхийлөгчийн санаачилгаар НҮБ-аас тунхагласан “Дэлхийн адууны өдөр”-т зориулсан бүтээлүүдээ дэлгэн үзүүлж, монгол адууны соёл, нүүдэлчдийн өв уламжлалыг олон улсад сурталчилжээ.
Мөн Мири хотын бэлгэдэл болсон далайн морь, Саравак мужийн бэлгэ тэмдэг эвэрт шувуу буюу Hornbill, Монгол адууг нэгэн бүтээлд цогцлоон дүрсэлж, Монгол-Малайзын ард түмний нөхөрлөл, соёлын холбоог илэрхийлсэн байна.
EATOF-ийн гишүүн арван орон нутгийн 30 гаруй уран бүтээлч оролцож буй энэхүү үзэсгэлэн энэ сарын 25-ны өдрийг хүртэл Малайз улсын Саравак мужийн Мири хотноо Уран бүтээлчдийн холбооны үзэсгэлэнгийн танхимд үргэлжилнэ.
