Дэлхийн алдарт к-поп охидын хамтлаг “Blackpink” энэ сарын 8-нд дебют хийснийхээ 10 жилийн ойг тэмдэглэлээ. 2016 онд “Whistle”, “Boombayah” дуугаараа дебют хийсэн Жисү, Женни, Розе, Лиса нар ийнхүү арван жилийн ойдоо дөрвүүлээ хамтдаа хүрсэн байна.
“Blackpink”-ийн 10 жилийн ойн хүрээнд “YG Entertainment”-аас “Meet & Greet” арга хэмжээ зохион байгуулж, дөрвөн гишүүн бүгд оролцсон байна. Тус уулзалтад нийт 40 BLINK оролцсон нь олонх фэнүүдийн сэтгэл дундуур байх шалтгаан болжээ. Дэлхий даяар олон сая фэнтэй “Blackpink”-ийн 10 жилийн ойд зориулсан арга хэмжээнд ердөө 40 хүн оролцсон нь “хэтэрхий бага хүрээнд зохион байгуулсан” гэх шүүмжлэл дагуулсан байна.
Мөн хамтлагийн 10 жилийн ойд зориулан хэд хэдэн тусгай бүтээгдэхүүн, дурсгалын зүйл худалдаанд гаргасан байна. Тухайлбал, MU:DS-тэй хамтран “Blackpink Heritage Collection” нэртэй тусгай цуглуулга, Солонгосын шуудангийн газартай хамтарсан 10 загвар бүхий дурсгалын марк гаргажээ.
