Британийн жүжигчин Николас Холт HBO-ийн шинээр бүтээж буй “Harry Potter” телевизийн цувралын жүжигчдийн бүрэлдэхүүнд нэгдэж, Хогвартсын профессор Гилдерой Локхартын дүрийг бүтээхээр болжээ. Уг дүрийг өмнөх кинонуудад Кеннет Брана тоглож байсан юм.
Николас Холт нь “X-Men”, “Mad Max: Fury Road”, “The Favourite”, “Nosferatu” болон 2025 оны “Superman” зэрэг кинонуудаараа олонд танигдсан жүжигчин юм.
Шинэ “Harry Potter” цуврал нь Ж.К. Роулингийн зохиолуудыг телевизийн олон ангит хэлбэрээр дахин өгүүлэх бөгөөд кинонуудад багтаагүй номын хэсгүүдийг илүү дэлгэрэнгүй харуулах боломжтой гэдгээрээ онцлог.
Ташрамд дурдахад, Гилдерой Локхорт бол “Harry Potter and the Chamber of Secrets “буюу “Харри Поттер ба Нууцат өрөө” номд гардаг, Өөрийгөө маш алдартай, гайхамшигтай шидтэн хэмээн сурталчилдаг Харанхуйн шиднээс хамгаалах хичээлийн багш юм. Тэрбээр өөрийн адал явдлын тухай хэд хэдэн ном бичсэн бөгөөд шидтэний ертөнцөд нэр хүндтэй мэт харагддаг ч үнэн хэрэгтээ бусдын хийсэн гавьяаг өөрийнх мэт ярьдаг, дурсамж устгах шид ашигладаг дүр юм.
