Өмнөд Солонгосын “Stray Kids” хамтлагийн шинэ цомог “This & That” АНУ-ын “Billboard 200” цомгийн жагсаалтад нэгдүгээр байрт эрэмбэлэгпэж, хамтлагийнхаа түүхэн дэх хамгийн өндөр борлуулалттай долоо хоногийг өнгөрүүллээ.
Ингэснээр “This & That” нь “Stray Kids”-ийн “Billboard 200”-д тэргүүлсэн ес дэх цомог болж байна. Тус хамтлаг ийнхүү уг чартад хамгийн олон удаа нэгдүгээр байрт бичигдсэн уран бүтээлчдийн нэг хэвээр буй гэдгээ бататгажээ.
“This & That” цомгийн амжилтад цомгийн биет борлуулалт болон бусад хэлбэрийн хэрэглээний үзүүлэлтүүд ихээхэн нөлөөлсөн байна. Тус цомог нь “Stray Kids”-ийн өмнөх бүх уран бүтээлийн анхны долоо хоногийн үзүүлэлтийг давж, хамтлагийн хамгийн өндөр борлуулалттай цомог болжээ.
“Stray Kids” өмнө нь “Do It”, “Ate”, “Maxident”, “Oddinary” зэрэг цомгоороо “Billboard 200”-г тэргүүлж байсан бөгөөд шинэ цомгийн амжилт нь тэдний АНУ-ын хөгжмийн зах зээл дэх нөлөөг улам бататгаж байна.
