Бүгд Найрамдах Узбекистан Улсын Ташкент хотноо олон улсын мэдээлэл зүйн 38 дугаар олимпиад энэ сарын 9-16-нд болж Монгол Улсаас оролцсон сурагчдаас хоёр сурагч тусгай байр эзэллээ.
Тодруулбал, “Эрхэт эрдэм” сургуулийн 12 дугаар ангийн сурагч Б. Мөнх-Эрдэнэ, “Нэст эдүкэйшн” сургуулийн 11 дүгээр ангийн сурагч Г.Эрхэм нар тусгай байрт шалгарав. Мөн олимпиадад “Оюунлаг” сургуулийн 12 дугаар ангийн сурагч Г.Эрхэм, “Эрхэт эрдэм” сургуулийн 12 дугаар ангийн сурагч Э.Мөнхтөр нар оролцсон байна.
Олон улсын мэдээлэл зүйн олимпиадын тусгай байр нь медальт байрт шалгарч чадаагүй боловч олимпиадад оролцогчдын эхний хагаст багтсан сурагчдад олгодог, тодорхой шалгуур бүхий шагнал юм.
Энэ удаагийн олимпиадад дэлхийн 97 улсын 375 сурагч оролцож, кодчилол, программчлалын мэдлэг, ур чадвараараа өрсөлдсөн байна.
