Их зохиолч Д.Нацагдоржийн нэрэмжит Нийтийн номын санд БНСУ-ын Пёнтэк хотын “Шинэ тосгон” хөдөлгөөний эмэгтэйчүүдийн холбооноос 2,5 сая төгрөгийн үнэ бүхий 80 гаруй ном хандивлажээ. Энэ нь хоёр талын хамтын ажиллагааг бэхжүүлж, эмэгтэйчүүдийн нийгмийн оролцоог нэмэгдүүлэхэд чухал алхам болж байна.
Хандивын номын 90 гаруй хувьд нь эмэгтэйчүүдийн амьдралыг өгүүлэх уран зохиолын болон эрүүл мэнд, танин мэдэхүй, хувь хүний хөгжил, манлайллын ном багтжээ.
Ташрамд дуулгахад, хамтын ажиллагааны хүрээнд 2021 онд Пёнтек хот аймгийн Нийтийн номын сангийн их засварын ажлын хөрөнгө оруулалтыг хийж байсан бол 2025 онд тус хотын Олон улсын харилцааны сангаас Солонгос хэл сурах сонирхолтой хүүхэд, залууст зориулсан зургаан сая төгрөгийн өртөг бүхий 160 гаруй номыг хандивлаж байсан нь хоёр хотын хамтын ажиллагааны томоохон ажил болсон юм.
