Америкийн алдарт дуучин Барри Манилоу аялан тоглолтоо түр хугацаанд завсарлахаар болжээ. Өдгөө 83 настай тэрбээр энэ зун нийт 68 хоногийн хугацаанд 29 тоглолт хийсэн бөгөөд аялан тоглолт нь амжилттай болсон ч өөрийгөө хэт их ачааллуулсан гэж үзэж байгаа аж.
Дуучин наймдугаар сарын 25-нд цахим хуудсаараа дамжуулан шүтэн бишрэгчдэдээ энэ тухай мэдэгдсэн байна. Тэрбээр “Бид богино хугацаанд завсарлага авахаар боллоо” хэмээн мэдэгдээд, хэсэг хугацаанд амарч, хоолойгоо сэргээх шаардлагатай болсон талаар хэлжээ.
Тэрбээр ирэх аравдугаар сарын 8-нд Лас-Вегасын “Westgate”-д тоглолтоо үргэлжлүүлэхээр төлөвлөж байгаа бөгөөд шинээр товлогдох тоглолтын өдрүүдийг ирэх долоо хоногт зарлана гэж мэдэгджээ.
Барри Манилоу шүтэн бишрэгчдэдээ хандан “Амралтынхаа дараа шувуу шиг сайхан дуулна” хэмээн хошигнон хэлсэн байна.
