Тайвань улсын Каошин хотноо зохион байгуулагдсан “Taiwan Kaohsiung Open Dance Festival-2026” олон улсын бүжгийн уралдаанд манай улсаас Баянхонгор аймгийн сурагчид оролцжээ. Тодруулбал, уралдаанд “Номундалай” сургуулийн А.Цэвэлдулам багштай 5В ангийн “Мөнгөн шүүдэр” хамтлаг Баянхонгор аймгийн Хөгжимт драмын театрын бүжигчин Д.Дунгармаагийн зааж бэлтгэсэн, Б.Дэлэгдоржийн дэглэлт “Ботгочин” бүжгээрээ өрсөлдөж, уламжлалт бүжгийн төрөлд тэргүүн байр эзэлжээ.
Баянхонгор аймгийн Хөгжимт драмын театрын бүжигчин Д.Дунгармаагийн хувьд 2026 онд шавь нараа олон улсын томоохон хэмжээний хоёр уралдаанд бэлтгэн оролцуулсан бөгөөд хоёуланд нь тэргүүн байр эзэлсэн нь энэ аж.
