Дундговь аймгийн Дэлгэрхангай суманд улсын төсвийн 2.9 тэрбум төгрөгийн хөрөнгө оруулалтаар 250 хүний суудалтай Соёлын төв шинээр барьж, ашиглалтад орууллаа.
Шинэ Соёлын төвийг Монгол Улсын Төрийн шагналт, Урлагийн гавьяат зүтгэлтэн Ойдовын Уртнасангийн нэрэмжит болгосон бөгөөд барилгын ажлыг “Брэнд шилдэг” ХХК гүйцэтгэжээ.
Сумдын Соёлын төв нь хүүхэд, залуусын авьяас чадварыг хөгжүүлэх, иргэдийн соёлын боловсролыг дээшлүүлэх, үндэсний өв уламжлал, зан заншил, урлагийн бүтээлийг түгээн дэлгэрүүлэхэд чухал үүрэг гүйцэтгэдэг.
Гэвч олон жилийн ашиглалтын улмаас сумдын Соёлын төвийн барилгууд хуучирч, элэгдэлд орсон нь соёл, урлагийн үйл ажиллагааг орчин үеийн шаардлагад нийцсэн орчинд зохион байгуулахад хүндрэл учруулж ирсэн юм.
Дэлгэрхангай сумын соёл, урлагийн хөгжил 1924 оноос эхтэй. Шинэ Соёлын төв ашиглалтад орсноор хүүхэд, залуусын авьяас чадварыг хөгжүүлэх, иргэдийн соёлын үйл ажиллагаанд оролцох оролцоог нэмэгдүүлэхийн зэрэгцээ нутгийн өв соёлыг хадгалан хамгаалж, хойч үедээ өвлүүлэн үлдээх таатай нөхцөл бүрдэж байна.
Соёлын төвийн нээлтийн ёслолд УИХ-ын гишүүн Ц.Мөнхбат, аймгийн Засаг дарга С.Мөнхчулуун, сумын Засаг дарга Ж.Өлзийжаргал, Ойдовын Уртнасангийн үр хүүхэд, ач зээ, үе үеийн уран бүтээлчид болон нутгийн иргэд оролцлоо.
Дэлгэрхангай сумын соёл, урлагийн түүх 1924 оноос эхтэй. Шинэ Соёлын төв ашиглалтад орсноор хүүхэд, залуусын авьяасыг хөгжүүлэх, иргэдийн соёлын оролцоог нэмэгдүүлэх, нутгийн өв соёлыг хадгалан хамгаалах, хойч үедээ өвлүүлэн үлдээх нөхцөл бүрдэж байна.
