Азийн бие даасан болон арт чиглэлийн кино бүтээлүүдийг олон улсад сурталчлан таниулах зорилготой “Asian Film Festival Barcelona 2025” наадам Испанийн Барселона хотноо амжилттай зохион байгуулагдлаа.
Азийн 30 гаруй орноос ирсэн уран бүтээлээс бүрдсэн энэхүү наадамд найруулагч О.Цэгмэдийн “366 дахь өдөр” уран сайхны кино амжилттай оролцож, дараах нэр хүндтэй шагналуудыг хүртлээ.
Тодруулбал, “NETPAC Section – Special Mention” буюу Азийн кино урлагийг дэмжих NETPAC байгууллагын шүүгчид тус киноны соёлын үнэт өвийг илэрхийлсэн дүрслэл, уран сайхны шийдэл, найруулгын онцлогийг өндрөөр үнэлж тусгай шагналыг олгосон байна. Мөн “New Perspectives Section – Special Mention” төрөлд шинэ өнцөг, шинэлэг хэлбэрийн оролдлого, бүтээлийн өвөрмөц шийдэл, кино хэл найруулгын онцгой дэвшлийг үнэлэн тусгай шагнал хүртээжээ.
