Дуу хөгжмийн санд орсон шилдэг дуунуудаас хэрэглэгчийн хамгийн их сонссон долоо хоногийн шилдэг дуунуудыг шалгарсныг та бүхэндээ танилцуулж байна.
Өнгөрөгч есдүгээр сарын туршид хамгийн их сонссон шилдэг 10 дууны 1-р байрт Төрийн соёрхолт дуучин Д.Болд болон UBS наадмын шилдэг оролцогч Хулан нарын хамтран дуулсан “Би дурламаар байна” дуу орлоо. Энэ дуу дуучин Д.Болдын шинэ цомог болох “Хувцасаа тайлаад шид” цомогт нь багтсан бөгөөд үг, аяыг дуучин өөрөө зохиожээ. Харин видео клипийг “DOZ” энтертайментын уран бүтээлчид бүтээжээ.
Жагсаалтын маань 2-р байрт өнгөрсөн сарын шилдэг дуугаар шалгарсан Оutlaw хамтлагийн залуу дуучин Хишигдалайтай хамтран дуулсан “Хайр яагаад” дуу шалгарлаа.
“Титэм” хамтлагийн дуучин Л.Тайванбатын дуулсанаар та бидний сайн мэдэх “Цэнхэр сарны туяа” дууг дуучин A Cool СГЗ, яруу найрагч З.Түмэнжаргал агсны гэгээн дурсгалд зориулан шинэчлэн дуулсан билээ. Энэхүү дуу өнгөрсөн сарын хамгийн их сонссон 10 дууны 3-р байрт шалгарсан байна.
Ингээд өнгөрөгч 9 сарын шилдэг 10 дууны жагсаалтыг уншигчиддаа хүргэе.
1. Болд, Хулан – Би дурламаар байна
2. Outlaw ft Хишигдалай – Хайр яагаад
3. A Cool – Цэнхэр сарны туяа
4. No Name – Гэрлүүгээ
5. Ариука – Хайр
6. Цэлмүүн – Зам дээр гээгдсэн цэцэг
7. Солонго – Надад үлдсэнгүй (Голланд Сарнай киноны дуу)
8. Баярцэцэг – Содон аялгуу
9. No Name – Хөвгүүд том болоогүй
10. Намуун, Жижгээ (Motive) – Хайрын цэцэрлэг
www.URLAG.mn
