“Blackpink” хамтлагийн дуучин Rosé-ийн “Rosie” нэртэй цомог “Billboard 200” чартын гуравдугаар байрт жагссанаар тэрбээр хамгийн өндөр амжилт үзүүлсэн Өмнөд Солонгосын эмэгтэй соло дуучин боллоо.
Тухайлбал, тус цомог арванхоёрдугаар сарын 6-ны өдөр цацагдсанаас хойш ердөө долоо хоногийн дотор 70.000 хувь борлогдож, интернэт хөгжмийн сайтуудаар 43 сая удаа тоглогдсон бөгөөд “APT” дуу нь “Billboard Hot 100” чартын наймдугаар байрт жагссан. Энэ нь мөн л тус чартын эхний арван байрт эрэмбэлэгдсэн Өмнөд Солонгосын анхны соло эмэгтэй дуучин болсон амжилт юм.
Ингэснээр тэрбээр Тэйлор Свифт, Кендрик Ламар, Сабрина Карпентер гэх мэт супер одуудтай мөр зэрэгцэж байна.
