www.topuniversities.com вэбсайтаас оны дэлхийн хамгийн шилдэг их сургуулийг шалгаруулан жагсаалт гаргадаг. Энэ 2024 оны эл жагсаалтыг MIT буюу Массачусетсийн технологийн институт тэргүүлжээ.
Тус их сургууль нь АНУ-ын Бостон хотод 1861 онд үүсгэн байгуулагдсан аж. Тус сургуульд элсэхийг хүсэн нийт өргөдөл явуулсан хүмүүсийн ердөө дөрвөн хувийг нь л тэнцүүлэн элсүүлдэг байна. Тиймээс ч инженер, хиймэл оюун ухаан, технологийн чиглэлээрээ хамгийн шилдэг хөтөлбөртэй гэж тооцогддог аж.
MIT их сургуулиас нийт 105 нобелийн шагналтан төржээ. Түүнчлэн “Khan academy”-гийн үүсгэн байгуулагч, захирал Сал Хан, “Koch industries”-ийн захирал, дэлхийн 14 дэх баян хүн болох Чарльз Кох нар эл сургуулийг төгссөн гэдгээрээ алдартай. MIT нь need-blind admission буюу өргөдөл илгээгчдийнхээ санхүүгийн бололцоо, сургалтын төлбөр төлж чадах, эсэхийг нь хардаггүй. Хэрэв бакалаврын түвшинд тэнцэж элссэн тохиолдолд тухайн оюутны онгоцны тийз, байр, хоол гэхчилэн зардлуудыг 100 хувь дааж, тэтгэлэг олгодог байна.
