АНУ-ын “CNN” агентлаг хөдөө амьдарч, малчин аж ахуйн талаар англи хэлээр бичлэг хийж сошиал платформуудад байршуулдаг С.Буянтогтох, Ч.Ерөөлтүвшин нарын гэр бүлийг онцолсон байна. Тэд Ховд аймагт амьдардаг хос бөгөөд Youtube болон Instagram платформд “Mongolian nomad family” нэртэй аккаунтаараа дамжуулан контентуудаа хүргэдэг юм.
“Social blade” сайтаас харвал тэд Youtube сувгаа 2014 оны аравдугаар сард нээжээ. Одоогийн байдлаар тус суваг 51.7 мянган захиалагчтай байна. “Mongolian nomad family” Youtube сувагтаа 102 бичлэг байршуулсан бол Instagram-д 239 мянган дагагчтай байгаа аж.
