“Эх хэлний өдөр”-т зориулан Монгол Улсын Үндэсний номын сангийн уншлага үйлчилгээний хэлтэс, Монгол Улсын Боловсролын их сургуулийн харьяа Ерөнхий боловсролын сургуультай хамтран “Үгэн бороо-2025” яруу найргийн наадмыг амжилттай зохион байгууллаа.
Уламжлал болгон зохион байгуулж ирсэн энэ удаагийн наадамд нийт 40 сурагч оролцож, нэгдүгээр үед өөрийн зохиосон шүлгийг уншиж, хоёрдугаар үед шүүгчийн өгсөн сэдвийн дагуу 10 минутад шүлэг зохион, уншиж өрсөлдсөн байна.
Уралдааны тэргүүн байрт сурагч Д.Мичид, дэд байрт сурагч Ж.Улсбилэг, гутгаар байрт сурагч Н.Амин-Эрдэнэ шалгарсан бол тусгай байрыг сурагч Н.Сод-Од, Н.Гантулга нар эзэлжээ.
Уг наадмыг “Болор цом”-ын шагналт яруу найрагч Б.Жамбалдорж, С.Начин нар шүүн явуулсан аж.
