Энэ сарын 15-ны өдөр дуучин Майли Сайрус ханиадны эсрэг эм бэлдмэлээс харшил авсан тул эмнэлэгт хүргэгдсэн билээ. Бие нь бага зэрэг тавгүйрхсэн учир Сайрус өөрийн зарим нэг тоглолтуудыг цуцлахад хүрсэн аж. Арван хоног эмчилгээ хийлгэсний үр дүнд Майли бүсгүй тайзан дээр эргэн гарахад бэлэн болжээ.
Долоон хоногийн дараа түүний Европын улс, орнуудаар хийх аялан тоглолт эхлэх юм. Өөрийн хайртай ажилдаа үнэнч тул Майли гэртээ амарч хэвтэхийг хүсэлгүй тоглолтдоо бэлтгэж эхэлсэн байна.
“Bangerz” нэртэй аялан тоглолтын анхны тоглолт тавдугаар сарын 02-ны өдөр Голландын Амстердам хотод болно. Дараа нь Бельги, Их Британи, Ирланд, Франц гээд явж өгнө. Нийтдээ Майли Европт 18 тоглолт хийхээр болжээ. Дөрөвдүгээр сард тоглогдох ёстой байсан бүх шоу наймдугаар сард нөхөн тоглогдох гэнэ. Майли өөрийн шүтэн бишрэгчдийг гонсойлгохыг хүсэхгүй байгаа аж.
Эх сурвалж www.wikimon.mn
