Улсын драмын эрдмийн театрын уран бүтээл, Төрийн соёрхолт, Урлагийн гавьяат зүтгэлтэн Н.Наранбаатарын найруулга, Оросын суут зохиолч Лев Николаевич Толстойн “Анна Каренина” жүжгийг ОХУ-ын Н.А.Бестужевын нэрэмжит Орос драмын театр 2027 онд албан ёсны эрхтэйгээр, франчайзын гэрээний хүрээнд өөрийн театрын тайзнаа толилуулахаар боллоо.
“Анна Каренина” жүжиг анх 2020 онд үзэгчдийн хүртээл болж, өдгөө Улсын драмын эрдмийн театрын тайзнаа 108 удаа тоглогдоод байна.
Энэхүү төсөл нь 2025 онд Улсын драмын эрдмийн театр болон Н.А.Бестужевын нэрэмжит Орос драмын театрын хооронд байгуулсан хамтын ажиллагааны гэрээний хүрээнд хэрэгжиж буй хамтарсан уран бүтээл бөгөөд ийнхүү бодит ажил хэрэг болж байна.
