“Blackpink хамтлагийн гишүүн, дуучин Лиса аравдугаар сарын 23-нд “Tarantino” нэртэй шинэ дууныхаа клипийг олон нийтэд хүргэлээ. Клипэндээ Холливудын алдарт найруулагч Квентин Тарантиногийн уран бүтээлүүдээс санаа авсан тулаант үйл явдлыг дүрсэлсэн нь олны анхаарлыг татаж байна. Лиса уг дуугаа зургаан дуу багтаасан “Press Play” нэртэй шинэ EP цомгийнхоо хамт гаргажээ.
Киноны уур амьсгалаас сэдэвлэн бүтээсэн “Tarantino” клипэнд тэрбээр зочид буудлаар явж, замд нь саад болсон хүмүүстэй тулалдан, эцэст нь өөрийн дуртай найруулагч Квентин Тарантинод захидал хүргэхийг зорьдог. Клипний төгсгөлд Тарантино Лисаг гол дүрд нь тоглуулахаар төлөвлөсөн “Her” нэртэй зохиол уншиж буйгаар дүрсэлсэн нь түүний найруулагчтай хамтран ажиллах хүсэл мөрөөдлийг бэлгэдсэн мэт харагдана. Гэхдээ энэ нь бодит хамтын ажиллагааны албан ёсны зарлал биш юм.
