“Promix sound”, “Red point media”, “Orange” энтертайнментийн хамтын бүтээл “Шар гэгээ” уран сайхны киног БНСУ-ын ONN телевизээр үзүүлэхээр болжээ. Тодруулбал, тус уран бүтээлийг ирэх хоёрдугаар сарын 27-нд 22.00 цагаас толилуулах юм байна.
Найруулагч Б.Батдэлгэрийн бүтээл, Төрийн шагналт, Соёлын гавьяат зүтгэлтэн Ш.Гүрбазарын зохиолоос сэдэвлэсэн “Шар гэгээ” уран сайхны кино нээлтээ хийсэн даруйдаа үзэгчийн таашаалд нийцэж, тус дэлгэцийн бүтээл 15 дахь удаагийн “Улаанбаатар” олон улсын кино наадмын шилдэг гурван төрөлд шилдгээр шалгарч, “Хангарьд” цомын эзэн болохоос гадна “Мөнгөн мод” наадмын шилдэг кино урлагийн бүтээл шагналыг хүртсэн байдаг. Түүнчлэн Австралийн Перт хотноо зохион байгуулсан олон улсын кино наадмын “Шилдэг кино” шагналыг мөн хүртэж байв.
