Нэг сая гаруй ам.долларын үнэтэй Пикассогийн зургийг Парист ганц өдөр оройн хоол идэх мөнгөөр зарах гэж байна. Тодруулбал, аугаа уран бүтээлчийн 1941 онд зурсан “Head of a Woman” зургийг “Нэг Пикассог 100 еврогоор” нэртэй сугалаанд оролцуулах гэж байна. Сугалаа дөрөвдүгээр сарын 14-нд явагдах бөгөөд нийт 120 мянган хүнд тасалбар борлуулах аж. Сугалааны орлогыг Альцгеймерийн судалгааны санд хандивлана.
“Нэг Пикассог 100 еврогоор” кампанит ажил анх 2013 онд зохион байгуулагдаж байжээ. Тухайн үед олсон орлогыг Өмнөд Ливаны түүхэн хот Тайрыг сэргээн босгоход зарцуулсан. Харин хоёр дахь кампанит ажил 2020 онд зохион байгуулагдсан. Энэ нь Covid-19 цар тахлын оргил үеэр таарсан тул цэвэр ус, эрүүл ахуйн хөтөлбөрүүдийг дэмжихэд сугалаанаас олсон орлогыг зарцуулжээ.
Испанийн домогт зураачийн ач хүү Оливье Видмайер Пикассо “Head of a Woman” зургийг асар дутуу үнэлэгдсэн бүтээл гэж боддог аж. Зургийн үндсэн үнэ нь нэг сая ам.доллар давахуйц. Тэгэхээр 100-хан еврогоор энэ зургийг авна гэдэг гайхалтай том шагнал гэж тэр хэлжээ.
