Монголын уран зургийн галерей болон Дүрслэх урлагийн академи хамтран “Өглөөний урлан” урлагийн боловсролын хөтөлбөрийг хэрэгжүүлж эхэллээ.
Тус хөтөлбөр нь галерейн сан хөмрөгт хадгалагдаж буй дүрслэх урлагийн эх бүтээлүүдтэй оюутнуудыг танилцуулах, мэргэжлийн орчинд суралцах боломж бүрдүүлэх, уран бүтээлийн мэдлэг, ур чадварыг хөгжүүлэх зорилготой юм. Хөтөлбөрийн хүрээнд Дүрслэх урлагийн академийн оюутнууд галерейн сан хөмрөгийн эх бүтээлүүдийг судлан, зураачдын арга барил, дүрслэлийн онцлог, өнгө зохиомж болон уран сайхны илэрхийллийг танин мэдэхийн зэрэгцээ хуулбар зургийн хичээл, дадлага ажилд хамрагдах боломжтой юм.
