Хүүхэд багачуудын үзэх дуртай “Лоолойгийн найзууд” нэвтрүүлэг одоогоос 20 жилийн өмнө цацагдаж байв. Харин энэ жил тус нэвтрүүлэг нь цуврал комик ном, анимейшн болон эргэж ирж байна. Эл нэвтрүүлгийг санаачлагч Д.Эндрээгийн хүү, “Флаш” хамтлагийн гишүүн Бэбэ буюу Т.Билгүүн-Од номын зохиолчоор ажиллажээ.
“Лоолойгийн найзууд” анимейшн, комик нь 12 жилийн тухай болон Монголын уламжлалт соёл үлгэрүүдийг орчин үетэй холбож хийсэн сонирхолтой сэдэвтэй бөгөөд хүүхэд болон гэр бүлийн бүх гишүүнд зориулсан аж. Түүнчлэн комик нь будах хэсэг, өөрийнхөө тухай бичих хэсгийг багтааснаараа давуу талтай.
“Лоолойгийн найзууд” анимейшны гол дүр нь Лоолой бөгөөд дүрүүдэд “Татар” хамтлагийн гишүүд, мөн реппер А.Тамир буюу MrsM нар дуу оруулжээ.
,
