Өмнөд Солонгосын дуучин Ким Юн Сол 27 насандаа таалал төгсжээ.
Тэрбээр “I Can See Your Voice”, “Voice Korea”, “Singagain” зэрэг хөгжмийн нэвтрүүлгүүдэд оролцож, хүчтэй хоолой, тайзны хүсэл тэмүүллээрээ үзэгчдэд танигдсан уран бүтээлч байв. Түүнийг нас барсан тухай мэдээг хамгийн түрүүнд түүний ойр дотнын хүмүүс олон нийтийн сүлжээгээр дамжуулан мэдээлжээ.
Ким Юн Сол зургадугаар сарын 7-нд нас барсан ч одоогоор үхлийн тодорхой шалтгаан одоогоор олон нийтэд ил болоогүй байна.
Ким Юн Сол 1998 онд төрсөн бөгөөд уран бүтээлийн гараагаа өөрийн жинхэнэ нэр болох Ким Мюн Жү нэрээр эхлүүлж байжээ. Тэрбээр бага наснаасаа дуулах авьяасаараа ялгарч, 2013 онд Mnet сувгийн хүүхдийн дууны уралдаан болох “Voice Kids”-т түрүүлснээр олны анхааралд орсон юм.
Тусуралдаанд ялалт байгуулсны дараа тэрбээр албан ёсоор дебют хийж, өөрийн алдартай ментор Ян Ёо Сёбтой хамтран “Man and Woman 2013” нэртэй сингл гаргаж байв.
