Тулгар төрийн 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардууллаа.
Кино судлаач, баримтат кино найруулагч Түдэвийн Чимид Монгол Улсын Урлагийн гавьяат зүтгэлтэн цол, тэмдгээр шагнууллаа.
Түдэвийн Чимид нь ЗХУ-ын Москва хотноо кино урлагийн дээд сургуульд, ЗХУ-ын кино хорооны дэргэдэх дээд курст тус тус суралцаж, кино судлаач, зохиолч, найруулагчийн мэргэжлийг эзэмшиж БНМАУ-ын Соёлын яамны Уран бүтээлийн хэлтэс, жүжиг киноны зохиолын хэлтэст мэргэжилтэн, “Монгол кино” үйлдвэрийн ерөнхий редактор, баримтат киноны найруулагч зэргээр ажиллаж байсан юм.
Түүний ажилласан уран бүтээлүүдээс дурдвал “Хүний амь”, Солонгын таван өнгө” , “Шийдвэрлэх алхам” зэрэг уран сайхны кино бүтээлийн зохиол, тайлбарыг бичиж 30 гаруй баримтат кино найруулж гадаадын 12 кино, есөн жүжгийг орчуулан тайз, дэлгэцнээ толилуулсан уран бүтээлч юм.
