Монголын Пастелын зураачдын холбооны тэргүүн, Соёлын тэргүүний ажилтан, зураач Л.Оргилболд өөрийн 13 дахь бие даасан “Breath of Gobi” үзэсгэлэнгээ дэлгэлээ.
Энэхүү үзэсгэлэндээ тосон пастелиар туурвисан 2026 оны шинэ бүтээлүүдээ толилуулж буй юм.
Пастель нь өнгөний гүн чанар, өвөрмөц бүтэц (текстур)-ээрээ дүрслэх урлагт онцгой үнэ цэнтэй бөгөөд зураач Л.Оргилболд нь энэхүү техникийг Монголын байгалийн дахин давтагдашгүй агшин, дөрвөн улирлын өнгө аяс болон хийсвэр (абстракт) сэтгэлгээтэй хослуулан чадварлаг илэрхийлснээрээ онцлогтой.
“Breath of Gobi” үзэсгэлэн ирэх есдүгээр сарын 7-ныг хүртэл Соёл, спорт, аялал жуулчлал, залуучуудын яамны арт галерейд үргэлжилнэ.
