Канадын алдарт дуучин Селин Дион эрүүл мэндийн шалтгааны улмаас урт хугацааны завсарлагааны дараа Парисын тайзнаа эргэн ирэхээр бэлтгэж буй энэ үед түүний үнэнч шүтэн бишрэгчид дуучныг ганцхан удаа ч болов харахын тулд зочид буудлынх нь гадаа шөнөжин хүлээж байна.
Өдгөө 58 настай дуучин Селин Дион энэ сарын 12-ноос Парис дахь “Plenitude Arena”-д тоглолтоо эхлүүлэх бөгөөд түүний эргэн ирэлтийн бүх тоглолтын тасалбар хэдийнээ борлогджээ. Олон зуун шүтэн бишрэгч өдөр бүр түүний байрлаж буй зочид буудлын гадаа цугларч, хайртай уран бүтээлчээ харахыг хүлээж байгаа аж.
Селин Дион 2022 онд stiff-person syndrome буюу булчин хөшиж, хүчтэй агшилт үүсгэдэг ховор өвчний оноштой болсон тухайгаа олон нийтэд зарлаж байсан юм. Эрүүл мэндийн шалтгаанаар тэрбээр тоглолт, тайзны бүх үйл ажиллагаагаа түр завсарлахад хүрсэн бөгөөд 2024 онд гаргасан “I Am: Céline Dion” баримтат киногоороо өвчинтэйгээ хэрхэн тэмцэж буйгаа дэлхий нийтэд илэн далангүй харуулсан билээ.
Селин Дионы Парис дахь тоглолт нь түүний сүүлийн зургаан жилийн дараах хамгийн том тоглолт байх бөгөөдхөгжмийн ертөнцийн энэ оны хамгийн их хүлээлт үүсгэсэн үйл явдлуудын нэг болоод байна.
