T.O.P 2026 оны долдугаар сарын 9-нд Японы Ёкохама хотын “Pia Arena MM”-д “RE:UNION” нэртэй фэн уулзалтаа зохион байгуулсан бөгөөд тус арга хэмжээнд түүний албан ёсны “TOPSX” фэн клубын 10 мянга орчим гишүүн оролцсон байна. Энэ нь түүний Японы фэнүүдтэйгээ 10 жилийн дараа нүүр тулан уулзсан онцгой арга хэмжээ байжээ.
Уулзалтын үеэр түүнээс “BigBang” наймдугаар сараас дэлхийн аялан тоглолтоо эхлүүлж байгааг сонсоод ямар сэтгэгдэл төрж байгаа талаар асуухад “Одооноос эхлэн би бие даасан уран бүтээлчээр ажиллаж байгаа. Гишүүдтэйгээ хамт хамтлагийн үйл ажиллагаанд оролцож чадахгүй ч тэднийхээ уран бүтээл, үйл ажиллагааг үргэлж дэмжиж, урам хайрлан, ард нь байх болно” хэмээн хариулсан байна.
Энэхүү ярилцлагын бичлэг болон T.O.P-ийн хариултыг фэнүүд цахим орчинд дахин түгээж, “BigBang”-ийн гишүүдийн одоогийн харилцаа, хамтлагийн үйл ажиллагаанд T.O.P ямар байр суурьтай байгаа талаар хэлэлцэж байна.
