“Миний аялгуу”
Миний аялгуу маргаашийг өчигдөртэй нь огтлолцуулж
Миний аялгуу сэтгэл татмаар эгшиглэж эхэлхэд өөрийн эрхгүй тайвширан бүүвэйлэгддэг
Миний аялгуу нотоор эгшиглэдэггүй
Миний аялгуу тэнгэрт татсан солонго шиг өнг өнгөөр сүлэлдэн уянгалдаг
Бийрний минь үзүүрт бүжих будгууд
Би, бидний сэтгэлийн учиганд хүрч хөг нэмэн сонсдох аж
Булчин хэрэггүй миний аялгуунд хайр, аз жаргалын эгшиг холилдон урсах мэт…
2013 онд СУИС –ийн ДУС-ийн Б.Төмөрбаатар багштай Монументаль уран зургийн урланг төгсөж 2013 оны 3-р сард зураач Монголын урчуудын эвлэлийн шагналт З.Уянгатай хамтран “Хавар” үзэсгэлэнгээр зураач Э.Тэмүгэгийн уран бүтээлийн гараа оюутаны ширээний араас амжилттай эхэлж байжээ. Түүнээс хойш өдгөө уран бүтээлчдийн нэгдсэн болон хамтарсан үзэсгэлэнгүүдэд тасралтгүй идэвхитэй оролцохын зэрэгцээ “Блью Мүүн” арт галерейн захирлаар ажиллаж байна.
Тэрээр энэ удаад өөрийн бие даасан үзэсгэлэнгээ “Аялгуу” хэмээн нэрлэн үзэгчдийн хүртээл болгоход бэлэн болоод байна. Энэхүү үзэсгэлэнг түүний 30 гаруй шинэхэн бүтээлүүд тавигдах болно.
Уран зурагт дурлагч та бүхэн “Blue moon” арт галерейн үзэсглэнгийн танхимд хүрэлцэн ирж түүний бүтээлүүдүүс эгшиглэх аялгууг сонордоно уу
Уг үзэсгэлэн: 05-р сарын 11-21 ны хооронд “Blue moon”арт галерейн үзэсглэнгийн танхимд үргэлжлэх бөгөөд дэлгэрэнгүй мэдээллийг 99948894, 89806021 дугаарын утсаар лавлана уу
www.urlag.mn
